Ljóð í Lesbók

ég hef ekki sent ljóð í lesbók síðan ég var "ungskáld", kannski einskonar hroki. en ég braut odd af oflæti mínu og sendi ljóð til ritstjórans og það kom í blaðinu í dag. mér finnst eiginlega mjög vænt um conceptið lesbók. á ákaflega góðar minningar frá því að kíkja í heimsókn til Gísla Sig þegar ég var unglingur, þá var hann ritsjóri lesbókarinnar og var með sína skrifstofu við Lækjartorg. hann var ákaflega skemmtilegur og almennilegur og svona fólk eins og hann sem voru einskonar örlagavaldar í þeirri ákvörðun minnar að feta einstiga skáldsins. ljóðið í lesbókinni eru viðbrögð mín við flóðbylgjunni og verður það einnig flutt á íslensku í bandarískri sjónvarpsstöð og kemur út á ensku í allskonar safnbókum sem verið er að setja saman til að safna fé fyrir fórnarlömb flóðbylgjunar.

Að elska vatn

Ég elska vatnið hér á Íslandi. Ég elska að geta farið í sund hvenær sem er, hvort heldur það sé stormur eða hríð, sól eða rigning, ég get alltaf farið í sund. Ég held að við þjáumst minna en aðrar þjóðir á þessari breiddargráðu vegna birtuleysis vegna þessa dásamlega næstum því ókeypis forða af vatni. Vegna þess að þegar maður er kominn í heitt vatnið undir berum himni þá verður maður ósjálfrátt kátur, glaður, meir inni í sér. Það er alger munaður að geta notað svona mikið vatn eins og við gerum. Ég get farið í bað á hverjum degi, funheitt svo mig svimar og það kostar ekkert. Ég elska vatnið hér, lyktina og litbrigðin.

Þegar ég syndi er ég marglitta.... eða sviffiskur
annars þá væri gaman að kunna flugsund, ég þori eiginlega ekki að athuga hvort ég kunni það ennþá frá barnæsku, held að ég myndi frekar líta út sem brotlendingarvél en flugvél......

Galdurinn

Nenni ekki að vera gárungur!!!

Ég er í raun og veru í einskonar sköpunarvímu og fátt annað kemst að hjá mér. Hef ekki farið úr húsi nema til að kaupa mat og kannski að synda í næstum heilan mánuð. En það er allt í lagi, janúar er þannig mánuður. Hér er mynd sem ég bjó til fyrir Earthday í gær. Er svo bara á fullu að þýða og þýða og þýða....... dagbók kameljónsins yfir á ensku. Mjög gaman en að sama skapi þjáningarfullt.

Það er svo frábært að vera nútímakona

Það eru komin í mig ákveðin einkenni femínistaþreytu. Hvað væri að því ef að ég vildi vera heima (ekki bara heim) heldur heima með börnunum mínum. Sinna heimilinu á sama hátt og formæður mínar. Hvað í fjandanum væri að því. Í okkar nútímalega þjóðfélagi er rangt að hugsa þannig. Ég er greinilega metnaðarlaus kona ef að ég hugsa svona. Börnin mín myndu verða að hálfvitum, allavega seinþroska ef þau fengju ekki að fara á leiksskóla áður en þau læra að ganga. Ég hef svo sem engan valkost, það er ekki séns að vera heima með börnin sín þó að maður vildi. Hvernig ætti ég þá að hafa efni á öllum lífsgæðunum sem ég og börnin verðum að fá. Ég verð að vera í mörgum vinnum og ég verð að treysta öðru fólki fyrir börnunum. Til hvers er maður að eignast börn?? Ég veit ekki, til að koma genunum áfram? Kannski ættum við bara að taka þetta alla leið. Framleiðum genabestu börnin og hættum þessu hálfkáki. Við erum svo gáfuð og smart og með flotta líkamsræktaða líkama að það væri synd að skemma þá með sliti og þvagleka. Ef að maður neyðist til að vera heima metnaðarlaus, kúguð og kjarklaus þá eru enginn börn heima, bara þitt eigrandi um í einskismannslandi. Öll hin á stofnunum. Meira að segja gamla fólkið er á stofnunum og það er of metnaðarfullt til að leyfa manni að sinna sér heima hjá manni. Ég gæti aldrei fengið ömmu til að búa hjá mér, hún er of mikið fyrir að vera ein á elliheimilinu. Hún gæti líka þvæst fyrir mér svona líka upptekinni. Ég verð svo að vera í mörgum vinnum svo ég geti arkað um stórmiðstöðvar í eilífu sólskini með krakkana á eftir mér í þreytukasti, hent þeim í verslunarpössun svo ég fái nú frið til að verðlauna mig fyrir dugnaðinn. Ef ég væri hamingjusamlega gift þá yrðum við bæði að vinna margar vinnur vegna þess að merkilegt nokk eftir að konur fóru almennt á vinnumarkað hafa meira og minna allar atvinnugreinar orðið láglauna vinnur. Já ég skil ekki af hverju ég er svona langþreytt og pirruð og hafi enga umfram orku til að sinna unglingum og kannski er hann bara kominn í þunglyndisrugl og gleypir allar gleðipillurnar mínar án þess að ég taki eftir því vegna þess að ég er hamingjusamasta kona í heimi með fullan skáp af hjálpartækjum ástarlífsins.

TSUNAMI MYNDIR

Á þessum vef má finna 14 sett af fyrir og eftir myndum fljóðbylgjunni við Indlandshaf. Það var í raun og veru ekki fyrr en ég sá þessar myndir sem ég gerði mér einhverja smá grein fyrir eyðileggingunni...

Palestína... í greipum nýnasista!!!!!??

þetta kann að hljóma sem öfgafull fyrirsögn en ég bendi þér á að lesa greinar sem að Ögmundur hefur sett inn á vefsvæði sitt á meðan á dvöl hans stendur í Palestínu.

Er ekki kominn tími til að gera eitthvað???

Ég krefst þess að Íslensk stjórnvöld hafi dug og þor til að gera eitthvað róttækt til að sýna fram á að íslendingar styðji hvorki í orði, þögn né verki þær hörmungar sem eru lagðar á Palestínsku þjóðina.

Mér er fyrirmunað að skilja hvernig við getum réttlætt þessi voðaverk sem þar fara fram dag hvern....

sekur er sá sem veit og ekkert gerir

Davíð Oddsson: er hann kannski fífl?

Ég veit ekki hvað skal segja í sambandi við hin stórkostlegu ummæli bæði Davíðs og Halldórs. Eru þeir fífl, fábjánar, hálfvitar. Kannski hafa þeir misst allt raunveruleikaskyn með valdaþreytuhrokaveirunni alræmdu. Það var eiginlega svo sorglegt að horfa á þá í fréttum gefa skít í vilja þjóðarinnar. Það var svo sorglegt að ég gat ekki hlegið þó svo að þetta væri eiginlega grátbroslegt. Hef hvergi séð aðra eins veruleikafirringu nema hjá Davíð. Hann vekur eiginlega hjá mér velgju, það eru náttúrulega takmörk fyrir því hve langt hann kemst á krútt sjarmanum. Ég held að hann ætti að fara í einangrun á eyju rétt við Kúbu og hugsa sitt ráð. Ég mæli svo með að við hefjum undirskriftarlista þar sem við förum fram á að þessi stjórn sé talin vanhæf.

KOmA svo........

Hver vill hafa svona fífl sem auglýsir það fyrir allri heimbyggð hve heimskur hann er og við þá sem höfum hann sem okkar háaðal og konung, hann semsagt auglýsir það að Írak sé bara í góðum málum, þökk sé Bush og herfálkunum hans.

Getum við allavega ekki sent þá dabba og dóra í útlegð til gogga::::::::

ég er búinn að fá nóg........

Flóðbylgju hugleiðing

Þegar 911 harmleikurinn gerðist, þá hafði ég ýmsar tilfinningar gagnvart því. Kannski sú magnaðasta var að ég vissi að heimurinn yrði aldrei samur eftir þetta. Þá fann ég knýjandi þörf á að gera eitthvað, eins og núna varðandi þessar síðustu hörmungar. Þá eins og núna vissi ég að lykilatriðið væri ekki að finna ytra heldur innra. Þeas drifkrafturinn. Þá setti ég saman 2 safnbækur sem innihalda ljóð, listaverk og hugleiðingar eftir 200 manneskjur frá öllum heimshornum. Verk sem áttu að sína fram á það að við erum í innsta eðli okkar eins, sama hvaðan við komum og hverju við trúum. Draumar okkar og vonir eru þau sömu.

The Book of Hope & The World Healing Book

Í fyrradag var ég svo beðin um að ritstýra ásamt aktívistaskáldi frá USA og öðru frá UK, öðru svona stóru verki sem mun innihalda ljóð eftir 100 skáld víðsvegar af jarðkringlunni. Allur ágóði mun svo renna til hjálparstarfs og uppbyggingu á landsvæðunum sem urði verst úti í flóðbylgjuhörmungunum. Mér líður alltaf mjög vel þegar ég geri einhverja svona sjálfboðaliðavinnu. Mæli með því:

Kjarninn í þessu er að við getum öll gert eitthvað. Ef að maður á ekki mikið af peningum þá getur maður gefið það sem maður gerir best.